الامتحانات والمرقعة 🤔😂

 سبحان الله طول فترة الدراسة تلاقى كل حاجة ماشية تمام لحد ما يجى الشهر إللى قبل الامتحانات وده بقى مقولكوش علية 😂😂 كوارث بتحصل يا صاحبى من حيث لا تدرى وياسلام على البرد سايب السنة كلها وجى على شهر الامتحانات الغلبان يعينى المهم إنك بتحاول تذاكر مابتقصرش طبعا فى حق المذاكرة خالص  😂😅 يعنى ٥ دقايق مذاكرة كده وساعة بريك اه 😊😅 ماهو لازم تدى لنفسك راحة عشان تعرف تكمل المهم ان المرقعة دى شئ اساسى فى الموضوع يعنى مينعش مذاكرة من غير مرقعة أبدا ولله لا يصح يا كابتن لا يصح 😂😂 وبعد طبعا ما الشهر يخلص على المرقعة بتعتنا فى المذاكرة والحمد لله تتفاجئ إن الأمتحانات باقى عليها يومين وحضرتك لسة ماخلصتش أى حاجة من المواد الجميلة دا لو انت مجتهد شوية اما بقى لو انت ضايع فأنا بتبقى صاحى الصبح ورايح الامتحان وانته متعرفش هتمتحن فى مادة ايه أصلا اما بقى بالنسبة للشخص إللى كلف نفسة واجتهد شوية فيبقى يعينى مذاكرة التوقعات وخير اللهم اجعله خير يتفاجئ فى لجنة الامتحان وقدام الورقة الجميلة اللى بتشع نور وبريق وامل فى قلوب الحاضرين إن ولا سؤال والحمد جه فى الامتحان من التوقعات  يعنى لو اقولكوا على الاحساس 😌☺ بيبقى أصعب من احساس واحد داخل العمليات والله وهوبا يبدأ العقل المدبر والمخطط يفكر فى تجميع أى بتنجان عشان خاطر تجمع اى درجات وتحاول تملى الورقة على اكبر قدر ممكن من محشى البتنجان إللى عقلك بيملهولك والحمد لله خلصت وسلمت الورقة وضمير مرتاح اه اوعى تيأس مجاش فى الامتحان ولا سؤال من إللى ذاكرتة تسكت لا وربنا ماتسكت 😂😅 تعك الدنيا اكتر ٠