شوية نصائح للناس إلا داخلة تالتة ثانوى عام 2021

 طبعا كل واحد داخل تالتة ثانوى فى أول السنة بيكون عنده حماس قوى جدا و بيبقى ماشى على نظام معين وبيذاكر كويس جدا ولكن لما ندخل على  نص السنة كدة تلاقى نفسك بقيت مش قادر تكمل ومعدش عندك طاقة إنك تكمل وده بسبب الاندفاع إلا بدأت بيه السنة الدراسية مش هقولك متتحمس بالعكس اتحمس وخلى عندك امل كبير اعمل كل حاجة أنته عايزها يا سيدى بس فيه حاجة ماتدخلش السنة الدراسية مندفع أوى مندفع بمعنى أننا اقعد على الكتاب ٢٤ ساعة مخلى تركيزى   كله على المذاكرة و بس ده غلط وده إلا بيسبب الملل إلا حضرتك بتوصله فى نص السنة ومبتبقاش عايز تكمل فالمفروض تأخد كل حاجة ببساطة جدا وكأنها سنة عادية زى أى سنة كل ما عليك إنك تروح دروسك ومضيعش حصص وتذاكر أول بأول ومتخليش حاجة تتراكم عليك وطبعا تلتزم فى صلواتك والدعاء وتخلى عندك يقين فى ربنا قبل أى حاجة أنه هيقف جنبك وهيسعدك فى رحلتك الطويلة يا سيدى وطبعا كل تكون ملتزم كل ماهتلاقى عندك وقت إنك تفصل فية شوية عن جو المذكرة ويبقى بالنسبة لك وقت فراغك إلا من حقك تعمل فية أى حاجة أنته بتحبها بس دا بعد المذاكرة طبعا 😁🙃 فى ناس هتقول لا مينفعش اخد Brake عشان مضيعش وقت لازم أستغل الوقت كلة للمذاكرة أحب اقولكوا دا كلام غلط لان السنة طويلة ومش هتستحمل دا وعلى فكرة أوائل الجمهورية بياكدوا أنهم كانوا ماشين على نظام عادى جدا بيروحوا درسهم  وبيذاكروا وبيخدوا Brake  وواخدين الامور بكل بساطة والشخص إلا بياخد الامور ببساطة هو دا الشخص إلا بيطلع كسبان فى الاخر لإن بيبقى نفسة طويل ودا المطلوب لإن السنة طويلة وعايزة صبر وهدوء و زى ماقولتلكوا والله من أسهل السنين الإ هاتمرت عليكوا بس هى عايزة نظام وتعادل فى الأمور فقط وإن شاء الله تبقى سنة سعيدة عليكوا وتمشى زى ما انتوا عايزين وأحسن ويا رب كل واحد يلاقى نفسة فى المكان إلا هو عايزة صباح التفاؤل و الامل فى بكرة 😊💙