ازاى اتخلص من ملل الحجر المنزلى 🤔😌

زى ما كلنا عارفين إن فيروس كورونا سببلنا أزمة كبيرة جدا و الأزمة دى أجبرتنا على القعدة فى البيت اللي هو ( الحجر المنزلى العظيم 🤔😁 ) ايه ده هو عظيم عشان أكون صريحة هو مش عظيم أوى يعنى خلينا متفقين إن القعدة فى البيت لفترة طويلة شئ ممل بصراحة بس للاسف احنا فى أزمة و لازم نستحمل عشان الأزمة دى تعدى على خير بس انا ممكن اقولكوا كده على كم حاجة عشان نتخلص من الملل ده دلوقتي احنا طبعا فى شهر رمضان المبارك اللي كلنا بنستناه من السنة للسنة ممكن نستغل القعدة فى البيت و نقرأ قرآن على قد ما نقدر يعنى اللي كان بيختم المصحف مرة يدخل تحدى مع نفسة كده ويختمه مرتين واللي مكنش بيقدر يختم المصحف يشد حيله كده و إن شاء الله يختمه والدنيا تبقى تمام دى الحاجة الأولى و طبعا كل يوم تبقى محدد جزء معين من القرآن لازم تقرأه الحاجة التانية نلعب رياضة الرياضة من الحاجات الجميلة جدا والمهمه اللي لازم تكون فى يوم كل واحد فينا وصدقنى هتخرج الطاقة اللي جواك والدنيا هتبقى تمام بس ده طبعا بعد الفطار عشان يبقى فية طاقة وما نتعبش الحاجة التالتة بقى نعمل كوباية شاى حلوه كده و نطلع البلكونة الجميلة وتقرأ أى روايه  بتفضلها ويا سلام بقى لو كانت أكشن أيا كانت بقى اكيد معظمنا بيحب الروايات ده لو حابب الروايات طب لو مش حابب تقرأ رواية هات ورقة و قلم وأللف أى حاجة من دماغك يا سيدى أكيد دماغك مش هتبخل عليك بحاجة  واكتب أى حاجة تيجى فى بالك المهم  تكون مبسوط و تقدر تخرج الملل اللي جواك وحاول تكلم صحابك تدردش معاهم عشان تخرج الطاقة اللي جواك ساعدوا ماماتكوا فى البيت هتفرح بيكوا أوى لو عملتوا كده لو مش بتعرفوا تطبخوا دى فرصة هايلة انكوا تتعلموا الطبخ يعنى طب لو مش حابب اى حاجة من دول و قرفان و كاره الحياة و شايف إن الدنيا سودة و جاية عليك زى ما بيقولوا 😂😂 هقولك تعمل ايه إطلع فى البلكونة الجميلة و ادعى ربنا اه والله ادعى ربنا بكل حاجة مضيقاك ادعيه هو وحده قادر يخرجنا من همنا و يخفف عننا الملل و يشرح صدورنا و بعد الدعاء الجميل و إن شاء الله ربنا يتقبل حد فكر يألف كتاب ايوه والله بتكلم بجد حد فكر ولا شاطرين تقولوا زهقانيين من القعدة فى البيت 😂😂 اصل العقل البشرى ده جبار جدا قادر يعمل حاجات كتيرة جدا بس احنا اللي بنريحه طب نبدأ نستفيد بقى منه شوية وكفاية دلع تبدأ تألف اى حاجة حتى لو مش مقتنع انها حلوه و هتعجب غيرك المهم انها تعجبك و المهم تكون عملت حاجة أولا مفيدة ثانيا اتخلصت من الملل وخرجت الطاقة اللي جواك يا سيدى وحده وحده و ورقة تجيب ورقة و نتفاجى و خير اللهم اجعله خير  عملنا كتاب و عندنا القدرة كمان اننا ننشرة و الناس تقول أراءها فى الكتاب وأكيد هيعجب ناس كتير بإذن الله بس انتوا خوضوا التجربة دى يا سيدى اتعرف على عقلك شوف بيفكر ازاى اختبره وانا واثقه إن اغلبيتنا هيتفاجئ بس يا رب يكون التفاجئ ايجابى وتنبهروا كده 😁😅 أو ارسم  اعمل شوية رسومات حلوين كده لحد ما تكون إسكيتش محترم من الرسومات وتبقى عملت حاجة بتحبها وتقدر تشاركها مع ناس كتير و تعرف آراءهم في مجهودك بقى و عايز كلام حلو وتشجيع وكدا أو اقلب مجنون زى رامز و اعمل فيهم شوية مقالب فى البيت حلوين كده اهم حاجة نخرج طاقة الملل 😅😂 يعنى يا جماعة حتى لو كان فية ملل اصنع لنفسى جو لوحدي و اعمل كل حاجة انا بحبها المهم اخرج نفسى من ملل القاعدة فى البيت و ربنا يعدى الأزمة دى على خير و يهدى الحاجة كورونا و تسبنا فى حالنا بقى إن شاء الله الحياة ترجع كده زى ما كانت واحسن كمان صباح التفاؤل والأمل فى بكره 💙٠